Mene ne sakamakon saba wa iyaye?

Allah madaukakin Sarki ya hana sava wa iyaye, ya kuma tanadar da sakamako mai muni ga duk wanda yake yin haka; akwai sakamakon da tun a duniya zai faru kafin kuma a tafi lahira; an ruwaito Hadisi daga Anas Bn Malik (Allah ya kara yarda da shi), cewa Annabi (SallalLahu alaiHi wa alihi wa sallam) ya ce: (Zunubai guda biyu tun a duniya ake yin ukuba akansu: zalunci da saba wa iyaye) [al- Hakim].

Annabi (SallalLahu alaiHi wa alihi wa sallam) ya lissafa saba wa iyaye a matsayin abin da yake hana shiga aljanna, an ruwaito Hadisi daga Ibn Umar (Allah ya kara yarda da su) Manzon Allah (SallalLahu alaiHi wa alihi wa sallam) ya ce: (Mutane guda uku, Allah mai girma da buwaya ba zai kale sub a a ranar alkiyama: mai saba wa iyayensa, da macen da ta mayar da kanta namiji, da namiji mara kishin matarsa. Kuma mutane uku ba za su shiga aljanna ba: mai saba wa iyayensa, da mashayin giya, da mai gori akan kyautar da ya yi) [an- Nasa'i].