د سینګار د لوازمو په چارو کې کار کول څه حکم لري؟

اصل په اشیاوو کې اباحت دی مګر دا چې د حرمت په اړه یې په قرآن کریم یا د رسول الله صلی الله علیه وسلم په احادیثو نص راغلی وي. داچې د ښځې زینت یو له مباحو شیانو څخه دي، چې الله سبحانه وتعالی ورته جواز ورکړی، دا زینت کله ناکله ښځه اړباسي چې د سینګار د تولید شرکتونو او فابریکو لخوا کارول شوي ځینې د سینګار لوازم (کاسمیټکس) څخه مرسته واخلي. له همدې امله، مونږ هیڅ شرعي خنډ نه وینو که څوک په داسې صنعتي او سوداګریز فعالیتونه ترسره کړي چې د دې برخو مسؤلیت لري، تر هغه چې دا لوازم جانبي اغیزې ونلري چې د انسان روغتیا ته زیان رسوي.