که غواړو د هغو  تاوتریخوالي او ویرې اوچونې څخه چې افراطي ډلې ترسره کوي تعبیر وکړو نو په کومه اصطلاح بهتره ده «الإرهاب» تروریزم أو «الإرجاف» ویره اچونه؟

الارهاب یا تروریزم د ویرونې په معنا راځې چې په دوه قسمه ده، فکري تروریزم چې په فرعي مسائلو او په ساده اختلافونو تکفیر کول وې  او دویم وسلوال تروریزم دی چې متشدد نظر په تاوتریخوالي او د وسلي په زور په نورو لازمولو باندي کیږي.

او فکري تروریزم  وسله وال تروریزم  ته لار هواره  وي. او «الإرجاف» هم ویرونې ته ویل کیږي لیکن ارجاف  ډیری د ويرې او ورخطایی څخه د منځته راغلې ګډوډي او اندیښنې د خپرېدو ښودونکی وي، او دا شرط نه ده  چې ارجاف دې فقط تاوتریخوالي او تخریب نه منځته راشي بلکه ممکن د مغرضه شائعات د خبريدو په نتیجه کې وي، نو د ارجاف کلمه واسعه او دقیقه ده ، او بل دا چې په دې کلمې کې ایجابي اړخ هم نشته او تل منفی معنا افاده کوي، نو ځکه خو الله جل جلاله فرمایي: ﴿لَئِنْ لَمْ يَنْتَهِ الْمُنَافِقُونَ وَالَّذِينَ فِي قُلُوبِهِمْ مَرَضٌ وَالْمُرْجِفُونَ فِي الْمَدِينَةِ لَنُغْرِيَنَّكَ بِهِمْ ثُمَّ لَا يُجَاوِرُونَكَ فِيهَا إِلَّا قَلِيلًا (60) مَلْعُونِينَ أَيْنَمَا ثُقِفُوا أُخِذُوا وَقُتِّلُوا تَقْتِيلًا﴾ [الأحزاب: 60، 61]، ژباړه" كه منافقان او هغه خلك چي په زړونو کي یې فساد دى او هغه كسان چي په مدينه کي د احساس پاروونكو افواهاتو خپروونكي دي، له خپلو حركتونو څخه لاس وانخلي، نو مونږ به د هغو پر خلاف د مبارزې لپاره تا را پاڅوو، بيا به هغوی په دې ښار کي په ډېره مشكله توګه ستا تر څنګ و اوسېداى شي." (60) " پر هغو به له هري خوا د لعنت ورښت وي، هر چيري چي وموندل شي وبه نيول شي او په بده توګه به ووژل شي."(61)

او قرآن عظیم الشان «ارجاف» په کولو جزا مرتب کړي ده.

نو له همدې کبله د ارجاف کلمې استعمال بهتره دي خو دا چې د ارهاب (تروریزم) «terrorism»  په ټولنو او نړیوالو بنسټونو کې مشهوره او شایع ده نو مونږ یې هم تاییدوو او کاروو یې.