د ښځو ځورول او یا له هغوی سره لفظي یا معنوي زیاتۍ کول څه حکم لري؟

 ښځه د ټولنې نیمه برخه ده، او په انسانیت کې د نارینه سره مساوي ده، او د ښځې د رول اهمیت د سړي له رول څخه کم نه دی؛ هغه د ټولنې نیمه برخه او د نورې نیمایي مور ده، او رسول الله صلی الله علیه وسلم، د نارینه وو د ښه توب معیار د ښځو سره د هغوی د ښه چلند پر بنسټ ټاکلی دی، هغه وايي:  «أَكْمَلُ الْمُؤْمِنِينَ إِيمَانًا أَحْسَنُهُمْ خُلُقًا، وَخِيَارُكُمْ خِيَارُكُمْ لِنِسَائِهِمْ» رواه الترمذي في "الجامع". ژباړه: "په مؤمنانو کې تر ټولو کامل ایمان لرونکی هغه دی چې ښه اخلاق ولري او په تاسو کې غوره هغه څوک دي چې د خپلو میرمنو په وړاندې ښه وي"، له همدې امله اسلام د ښځو ځورونه او هغوی ته ضرر رسولو په تحریم ټینګار کړی دی؛ د معقل بن یسار رضي الله عنه څخه روایت دی چې فرمایي: رسول الله صلی الله علیه وسلم، وفرمایل: «لَأَنْ يُطْعَنَ فِي رَأْسِ أَحَدِكُمْ بِمِخْيَطٍ مِنْ حَدِيدٍ، خَيْرٌ لَهُ مِنْ أَنْ يَمَسَّ امْرَأَةً لَا تَحِلُّ لَهُ». رواه الطبراني.

ژباړه: " که له تاسو څخه د یو چا په سر کې د اوسپنې ستنه  ووهل شي د هغه لپاره له دې نه بهتره ده چې هغه داسی ښځه لمس کړی چې هغه د ده لپاره روا نه وي".