آیا په ناروغۍ اخته کیدل د ګناهونو او خطاګانو کفاره کوي؟

الله عزَّ وجلَّ په خپلو بندګانو احسان کړي چې دوی ته د ضرر رسیدلو په وخت کې د دوی صبر او اعتراض نه کول یې د دوی د ګناهونو او خطاګانو لپاره کفاره ګرځولې. او ابو هریره «رضی الله عنه» له نبی کریمﷺ څخه روایت کړی چې فرمایي:"مسلمان ته هيڅ ډول لوږه، ناروغي، اندیښنه، خفګان، تکليف غم او حتی يوه اغزی چې خوږ يې کړي نه رسیږي مګر دا چې الله تعالی یې د هغه د ګناهونو کفاره ګرځوي" امام بخاري په "صحيح" کې ذکر کړی. او له انس «رضی الله عنه» څخه روایت دی چې رسول اللهﷺ یو اعرابی ته د عیادت لپاره ورغی په داسی حال کې چې د هغه تبه وه نو ويې فرمایل: «کفاره او پاکي ده» "امام أحمد په خپل "مسند" کې ذکر کړی". نو ناروغ په هغه څه چې اخته شوی په صبر کولو او د ده په اړه د الله ﷻ په حکم له رضایت ښودلو سره د الهی پاملرني وړ دی، او په هر حالت کې يې خیر دی.

والله تعالى أعلى وأعلم.