د ځورونې حکم څه دی؟

اسلامي شريعت د هر هغه شي څخه د انسان د ساتنې لپاره راغلی چې هغه ته پکې ضرر وي، نو ځکه یې د هر ډول او قسم زیان رسول حرام کړي دي، چې پکې ځورونه هم شامله ده، چې هغه د ځورونکي له لور ترسره کیدونکي یو شمیر رواني یا فزیکي زیانونو ته ویل کیږي، کوم چې ځورول شوی شخص ته د ضرر رسیدو لامل ګرځي، نو هر ډول تمسخر او سپکاوی شرعا بد ګڼل شوی او غندل شوی او د قانون له مخی جرم بلل کیږي؛ دا ځکه دا کار د شریعت له لوري د حرام شوي زیان او ضرر رسوني سربیره ټولنیز امنیت ته هم خطر لري.