د هغه نذر چې نذر کوونکی یې د ادا کولو توان نه لري حکم څه دی؟

که چا نذر کړی وي او پوره کولی یې نه شي، یا نذر یې کړی وي او مشخص کړي یې نه وي؛ په داسی حالت کې، هغه باید د قسم کفاره ادا کړي. ځکه چې  رسول الله صلى الله عليه وسلم فرمایلی: "څوک چې یو نذر وکړي، او هغه یې معین کړي نه وي، نو د هغه کفاره د قسم کفاره ده، او څوک په ګناه نذر وکړي نو د هغه کفاره د قسم کفاره ده او که څوک داسې نذر وکړي چې توان یې نه لري، نو د هغه کفاره د قسم کفاره ده، او که څوک نذر وکړي او توان یې لري نو باید وفا پرې وکړي".

او د قسم کفاره لاندې ډول ده:

لومړی: لسو مسکینانو ته خواړه یا جامې ورکول؛ د خپلې له ​​وړتیا سره سم؛ ځکه چې الله تعالی د قسم د کفارې په بيانولو کې فرمايي: {فَكَفَّارَتُهُ إِطْعَامُ عَشَرَةِ مَسَاكِينَ مِنْ أَوْسَطِ مَا تُطْعِمُونَ أَهْلِيكُمْ أَوْ كِسْوَتُهُمْ أَوْ تَحْرِيرُ رَقَبَةٍ فَمَنْ لَمْ يَجِدْ فَصِيَامُ ثَلَاثَةِ أَيَّامٍ}، ژباړه:« د داسي قسمو ماتولو كفاره دا ده چي لسو مسكينانو ته، له هغو منځنۍ درجې خوړو څخه ورکړئ، چي تاسو یې خپلي كورنۍ ته وركوئ؛ يا هغوى په جامه پټ کړئ يا يو غلام آزاد کړئ. او څوك چي ددې وس ونه لري هغه دي درې ورځي روژه ونيسي. »

او د خوراک او جامو قیمت ورکول هم مسکینانو ته روا دي.

دوهم: هغه څوک چې مسکینانو ته د خوراک یا جامو یا د هغې د قیمت  ورکولو توان نه لري؛ هغه باید درې ورځې روژه ونیسي.