د ځينو وارثانو د خوښې خلاف د میراث  وېش ځنډول څه حکم لري؟

د مورث د مړینې له تاییدیدو نه پس سمدستی، هر وارث د هغه له ترکې څخه د میت تجهیز د لګښت، د پورو له ادا کولو، وصیت، کفارو، نذرونو او داسې نورو  له اداکولو څخه وروسته د خپلې  برخې مستحق دی.

او هیڅ یو وارثات ته د نور وارثانو د خپلو شرعې ټاکل شویو برځو د ترلاسه کولو مانع کیدل جواز نه لري، که دا ممانعت په حرمان یا  ځنډولو وي او همدارنکه د یو وارث ته روا ندی چې د پاتې وارثانو پرته او یا د هغوی د اجازی پرته په میراث کې تصرف ځان ته ځانګړی کړي، له عذر یا د وارثانو له اجازې پرته د میراث د تقسیم مخنیوی یا ځنډول شرعا حرام دي، ځکه چې رسول الله صلی الله علیه وسلم فرمایي: څوک چې د خپل وارث له میراث څخه وتښتي. خدایﷻ به يې د قیامت په ورځ له جنت څخه میراث قطع کړي.»  (ابن ماجه په خپل سنن کې روایت کړی) او د نبی کریمﷺ بل حديث کې راغلي: څوک چې د اللهﷻ له لور فرض شوی میراث قطع کړي  خدایﷻ د هغه میراث له جنت څخه قطع کړي. (بیهقی په شعب الایمان کی روايت كړی) او خدای تعالی ډیر ښه پوهیږې.