آیا د زکات د پیسو یوه برخه د هغو توکو په اخیستلو مصرف کول روا دي چې په مسکینانو او فقیرانو ویشل کېږي؟

د زکات په اړه اساسي قاعد دا ده چې له هغه مال څخه ادا شي چې زکات ترې ورکول کېږي، او حنفي علماوو د قیمت ورکول جایز ګنلي که فقیرانو ته په کې ګټه زیاته وي، نو له همدی کبله د زکات یوه برخه د خوراکي توکو به شکل چې فقیرانو او مسکینانو ته ورکول کیږي شرعا روا عمل دی او په کې هیڅ حرج نشته، خو زکات ورکوونکی باید وګوري چې د مسکینانو لپاره څه ډیر ګټور دي.