Ni ipi hukumu ya kutoa khutba kabla ya swala na pia kwenye kaburi baada ya kuzikwa?

Inapendekezwa, kwa mujibu wa sharia, kutoa khutba au mawidha wakati  waombolezaji wakisubiri mazishi kufika ili kuuswalia, na pia kwenye kaburi baada ya kuzikwa. Hadithi Sahihi zinasema kwa uwazi kwamba Mtume (S.A.W) alikuwa akiwahubiria maswahaba zake baada na kabla ya kuzika maiti. Kutokana na hayo ndiyo Iliyopokelewa kutoka kwa Imam Ali (R.A) katika Hadithi iliyokubaliwa, amesema: Tulikuwa ‎mazikoni kwenye, Baqi‘ al-Gharqad. Akatujia Mtume ‎(S.A.W) ‎ ‎akakaa ‎kitako, na sisi tukaketi kumzunguka, vile ‎yeye akiwa na kijibakora. Akainama chini, na kuanza kuchimba-‎chimba kwa kijibakora chake. Kisha akasema:

‎“Hakuna yeyote hapa, wala kiumbe chochote chenye kupumua, isipokuwa ‎na Menyezi Mungu ‎amesajili mahali pake, iwe Peponi au Motoni, na hivyo ‎amesajiliwa kimaandishi kuwa ni mtu ‎muovu au mtu mwema.”‎

Basi mmoja akuliza kwa kusema: “Basi kwanini tusibweteke, tu, kufuata ‎tuliyo kwisha ‎andikiwa kuyatenda!?”‎

Mtume (S.A.W) ‎ akamjibu kwa kusema: “Aliyesajiliwa kuwa ni mja mwema, basi ‎ataendelea kutenda ‎mambo mema, na aliyesajiliwa kuwa ni mja muovu, basi ‎ataendelea kutenda mambo maovu.” ‎Kisha akamalizia kwa kusema: “Hivyo ‎endeleeni kutenda; maana kila mmoja atarahisishiwa ‎tulitendalo. Mtu mwema ‎atarahisishiwa kutenda mema, na mtu muovu atarahisishiwa kutenda ‎maovu.” ‎Kisha akatusomea aya zifuatazo:‎

‎“Ama mwenye kutoa na akamcha Mwenyezi Mungu. Tutamsahilishia yawe ‎mepesi. Na ama ‎mwenye kufanya ubakhili, na asiwe na haja ya wenzake. Na ‎akakanusha lilio jema, ‎Tutamsahilishia yawe mazito.” (Al-Layl, 92:5-10)‎