صدقہ جاریہ کی کون سی صورتیں ہیں ؟ 

 بھلائی کی بہت ساری صورتیں میسر ہیں جن میں  صدقہ جاریہ کی نیت سے مال خرچ کیا جا سکتا ہے، پس صدقہ جاریہ ان اعمال صالحہ میں سے ہے جن سے بندہ اپنے رب کا قرب حاصل کرتا ہے اور جن سے دنیا سے جانے کے بعد بھی میت کو نفع پہنچاتا ہے ۔ فرمان نبوی صلی الله عليه وسلم ہے: جب انسان مر جاتا ہے تو اس کے سارے اعمال منقطع ہو جاتے ہیں سواے تین کے ؛صدقہ جاریہ، یا  ایسا علم اس نے چھوڑا  ہو جو نفع بخش ہو، یا  ایسی نیک اولاد جو اس کیلیے دعا کرے ۔(رواہ مسلم)۔

 اور صدقہ جاریہ کا مطلب ہے وقف کرنا اور  جو چیز وقف کرے اس کیلیے شرط ہے وہ متعین ہو   جس کا بیچنا صحیح ہو اور یہ کہ لوگوں کو نفع دینے کے ساتھ ساتھ اس کی اصل باقی رہے اور یہ کہ اس کے ساتھ کسی کا حق متعلق نہ ہو ،اور اسی طرح بعض فقہاء کے نزدیک   مال اور کھانے کو وقف کرنا بھی جائز ہے ۔