د ضحی لمونځ څه وخت دی؟ او د رکعتونو شمېر یې څو دی؟

د ضحی د لمونځ وخت د لمر له ختو وروسته پیلېږي بیا تر زوال مخکې پورې (یعنې د لمرخاته څخه تقریبا د یو ساعت له درېیمې برخې تیریدو څخه وروسته تر د ماسپښین د لمانځه څخه د څلورو دقیقو مخکې وخت پورې)،او لږ تر لږه دوه رکعته لمونځ دی او غوره دا ده چې څلور رکعته او یا تر دې زیات ادا کړی شي؛ ځکه چې رسول الله صلی الله علیه وسلم به د ضحی لمونځ څلور رکعته کاوه او زیات کله به یې چې وغوښتل.