کیا تربیت کی عرض سے بچوں کے لیے بغیر وضو یا بچیوں کے لیے بغیر حجاب نماز پڑھنا جائز ہے ؟

گھروں اور اسکولوں میں  ہراس طریقے سے بچوں کو نماز  کی تربیت دینا جو ان کے حالات کے مطابق ہو اور جسے وہ پسند کریں اور قبول کریں - چاہے یہ تربیت لڑکیوں کے لیے بغیر وضو یا حجاب کے ہی کیوں نہ ہو - ایسا عمل ہے جس کے فاعل کو اور اسے انجام دینے والے کو ثواب ملے گا، بہتر ہو گا کہ یہ عمل بچوں کی نفسیات کے ماہرین اور اعلی اقدار کو دلوں میں راسخ کرنے والے ماہرین کے مشورے کے ساتھ  اور صبر و تحمل سے کیا جاۓ تاکہ ان کو عبادات کی تربیت دی جاسکے اور وہ مستقبل میں شرعی فرائض کی ادائیگی کے قابل بن سکیں، اور اس میں استقامت کا وہ مفہوم بھی شامل ہو جس کا اللہ تعالیٰ کے اس فرمان میں حکم دیا گیا ہے: {اور اپنے گھر والوں کو نماز کا حکم دو اور اس پر قائم رہو، ہم تم سے روزی نہیں مانگتے، ہم تمہیں روزی دیتے ہیں، اور اچھا انجام پرہیزگاری کا ہے۔ (طٰہٰ: 132) اور فرمانِ باری تعالی ہے { اور اپنے گھر والوں کو نماز اور زکوٰۃ کا حکم کرتا تھا اور وہ اپنے رب کے ہاں پسندیدہ تھا۔ " [مریم: 55]۔