اگر مقتدی ایک ہی شخص ہو تو امام کے ساتھ کیسے کھڑا ہو گا؟

اکیلے مقتدی کیلئے سنت یہ ہے کہ وہ امام کے دائیں طرف کھڑا ہو اور امام سے تھوڑا سا پیچھے کھڑے ہونا مستحب ہے تاکہ امام اور مقتدی میں پہچان رہے۔ سیدنا ابن عباس رضی اللہ عنہما سے روایت ہے آپ رضی اللہ عنہما نے فرمایا: میں نے اپنی خالہ سیدہ میمونہ رضی اللہ عنہا کے گھر رات گزاری اور رسول اللہ صلی اللہ علیہ وسلم نے عشاء کی نماز پڑھی پھر آپ صلی اللہ علیہ وسلم تشریف لے اور چار رکعتیں پڑھیں، پھر آپ صلی اللہ علیہ وسلم سو گئے، پھر آپ ﷺ نے نماز کیلئے کھڑے ہوۓ، میں آپ ﷺ کے بائیں طرف کھڑا ہو گیا تو آپ صلی اللہ علیہ وسلم نے مجھے اپنے دائیں طرف کر لیا۔

اگر امقتدی امام کے بائیں طرف یا اس کے پیچھے کھڑا ہو تو مستحب ہے کہ اس کھڑے ہونے کو درست کیا جائے، خواہ درستگی امام کرے یا مقتدی کرے۔ اور اگر نماز اسی طرح سے پڑھ لی گئی تو بھی نماز صحیح ہو گی باطل نہیں ہو گی اگرچہ خلافِ اولی ہے۔