مسلمان کیسے اپنے غصے پر قابو پا سکتا ہے ؟

شریعت اسلامیہ غصے پر قابو پانے میں رہنمائی کرتی ہے اور غصے سے روکتی ہے مگر یہ کہ حق پر ہو ، اور جو کوئی غصے میں مبتلا ہو اسے حکم دیتی ہے کہ غصے اور اس کے اسباب سے دور رہے اپنے تمام معاملات میں الله تعالیٰ  سے مدد طلب کرے، اسی پر توکل کرے اور ایسی  احتیاطی تدابیر اختیار کرے جو غصے سے دور رہنے میں اس کی مدد کریں، جیساکہ (استعاذہ) یعنی غصے کے وقت أعوذ باللہ من الشیطان الرجیم پڑھے یا خاموشی اختیار کرے یا جب غصہ آئے تو وضوء کر لے  یا ہیئت تبدیل کر لے یا عفو ودرگزر سے کام لے، جلدی نہ کرے اور اپنے غصے کو چھپانے کی کوشش کرے تاکہ اپنے آپ پر قابو پا سکے یہ جان لے کہ وہ اپنے کلام مسئول ہے اگرچہ اس نے غصے میں ہی کہا ہو، اور اگر کوئی اور جائز مدد گار طریقہ استعمال کرتا ہے تو بھی کوئی حرج نہیں، بہر حال اسے اول و آخر  الله تعالیٰ سے دعا کرنی چاہیے کہ اسے ہر شر سے محفوظ رکھے۔