په ډله ایزه توګه ذکر کول څه حکم لري؟

ډله ایز ذکر روا دی او په دې کې هیڅ شبه نشته، بلکه په ډیرو هغه قرآنی آیتونو کې چې د ذکر امر شوی، د خدایﷻ امر په کې په جمع لفظ راغلی دی؛ لکه د الله تعالی دا قول:﴿فَاذْكُرُونِي أَذْكُرْكُمْ﴾[البقرة: 152]، ژباړه:«نو تاسو ما یادوئ زه به تاسو یاد كړم » او د اللهﷻ دا قول: ﴿فَاذْكُرُوا اللهَ عِنْدَ الْمَشْعَرِ الْحَرَامِ وَاذْكُرُوهُ كَمَا هَدَاكُمْ﴾ [البقرة: 198]،ژباړه:«  نو په مشعر حرام (مزدلفه) کې الله ياد کړئ او په هغه شان یې ياد کړئ چي تاسو ته یې لارښودنه کړېده» او همدارګه د اللهﷻ دا قول : ﴿وَاصْبِرْ نَفْسَكَ مَعَ الَّذِينَ يَدْعُونَ رَبَّهُمْ بِالْغَدَاةِ وَالْعَشِيِّ يُرِيدُونَ وَجْهَهُ وَلَا تَعْدُ عَيْنَاكَ عَنْهُمْ﴾ [الكهف: 28]،ژباړه:« او خپل زړه د هغو خلكو په ملګرتيا ډاډه کړه، چي د خپل روزونكي، (پالونکي، واكوال) د خوښې غوښتونكي، سهار او ماښام هغه ته بلنه وركوي. او له هغو څخه هیڅكله سترګي مه اړوه» او نورو مبارک آيتونو چې د الله سبحانه وتعالی د يادولو او دعا کولو لپاره د راغونډېدلو مشروعيت ته په کې اشاره شوې ده او په دې اړه د نبوی احادیثو تواتر هم  شته؛ له أبي هريرة او أبي سعيد رضي الله عنهما، څخه روایت دی چې هغو رسول اللهﷺ ليدلي چې ویفرمایل: «لا يَقْعُدُ قَوْمٌ يَذْكُرُونَ اللهَ عَزَّ وَجَلَّ إِلا حَفَّتْهُمُ الْمَلائِكَةُ وَغَشِيَتْهُمُ الرَّحْمَةُ وَنَزَلَتْ عَلَيْهِمُ السَّكِينَةُ وَذَكَرَهُمُ الله فِيمَنْ عِنْدَهُ» رواه مسلم. ژباړه:« کله چې یوه ډله خلک د الله تعالی د ذکر لپاره راغونډ شي، ملائکې په دوی خپل وزرونه راټوله وي، د الله تعالی رحمت دوی پوښي، سکینه یا سکون په دوی نازلیږي او الله تعالی د خپل نږدې مخلوقاتو په وړاندې د دوی یادونه کوي»