کیا زیادہ تعداد میں لوگوں کا نمازِ جنازہ پڑھنے میں میت کیلئے فضیلت ہے ؟

نماز جنازہ میں زیادہ  لوگوں کا ہونا میت کیلیے شفاعت اور  مغفرت کا باعث ہے اور نمازی کیلئے  حصولِ  ثواب کا ذریعہ ہے، حضرت عبد الله ابن عباس رضی رضی اللہ عنہما کہتے ہیں کہ میں نے نبی کریم صلی الله عليه وسلم کو یہ فرماتے ہو ئے سنا ہے: جو بھی مسلمان فوت ہو جا تا ہے اور اس کے جنازے پر (ایسے) چالیس آدمی (نماز ادا کرنے کے لیے) کھڑے ہو جا تے ہیں جو اللہ کے ساتھ کسی چیز کو بھی شریک نہیں ٹھہر اتے تو اللہ تعا لیٰ اس کے بارے میں ان کی سفارش کو قبول فرما لیتا ہے۔ روایتِ امام مسلم ۔

ام المومنین سیدہ عائشہ صدیقہ رضی اللہ عنہا سے روایت ہے کہ نبی کریم صلی اللہ علیہ وآلہ وصحبہ وسلم نے ارشادفرمایا: جو مسلمان بھی فوت ہو تو اس پر مسلمانوں کی ایک جماعت نماز پڑھے، جن کی تعداد (چاہے) سو تک بھی نہ پہنچی ہو اور وہ سب اللہ تعالی کے حضور میں اس میت کے لیے سفارش کریں،( یعنی مغفرت و رحمت کی دعا کریں) تو ان کی یہ سفارش اور دعا ضرور قبول ہوگی۔ اس حدیث مبارکہ کو امام احمد رحمہ اللہ نے روایت کیا ہے۔