یتیم عمر کے کس مرحلے میں پہنچے تو اس کی کفالت ختم  ہو جاتی ہے ؟

یتیم کی کفالت کرنا بڑے اور عظیم اعمال میں سے ہے کیونکہ یتیم کی کفالت میں یتیم کی کمزوری کا ازالہ کرنا اور اس شخص کی جگہ لینا  ہےجسے وہ کھو چکا ہے۔ پس یہ کمزوری اسی وقت ختم ہو گی جب وہ دوسروں کی مدد سے مستغی ہو جاۓ اور اپنی دیکھ بھال خود کرنے کی قادر ہو جاۓ جو کہ اس امر کا تقاضہ کرتی ہے اس  کی کفالت بالغ ہونے سے ختم نہ ہو بلکہ اس وقت تک جاری رہے جب تک وہ دوسروں کی مدد سے مستغنی نہ ہو جاۓ اور اس مقام تک نہ پہنچ جائے کہ اپنے معاملات میں خود مختار  اور پیسہ کمانے کے قابل ہو جاۓ؛ اس لئے کفالت اس وقت تک جاری رہے گی جب تک اس کی ضرورت رہے گی ، اور جب تک سبب قائم رہتا ہے اس کا ثواب بھی جاری رہتا ہے اور اس مسئلہ پر غورو فکر کرنےاور اس پر حکم لگانے میں زمان ومکان اور وقت کے لحاظ سے اختلاف ہوتا رہتا ہے تاہم، ضروری یہ ہے کہ مقصد حاصل ہو جاۓ ، چاہے اس کے حصول کے ذرائع مختلف ہوں۔ والله سبحانه وتعالى أعلم.